Uztailaren 4, 5, 7, 10, 11 eta 12an, Sustabiz Fundazioaren eta Harri Bitxiak elkartearen eskutik, Udako Gure Kirolak Sustatzen Kanpusa antolatu da. Bertan, 6-12 urte bitarteko 63 umeek parte hartu dute. Burututako ekintzen artean, Sustabiz Herri Kirol Zentroan, Inhar Urruzuno Harrijasotze entrenatzaileraen eskutik, harrijasotzea, lokotx biltzea, Txinga Erutea, Zaku Eramatea, Ingude Jasotzea eta Sokatiran jardun dira, modu ludiko eta partehartzaile betean, Herri Kirolak topera praktikatuz.

Bestalde, Euskal Pilota eta Arraunean ere ibili dira. Euskal Pilotan, Arkupe Sustabiz Kirol Elkarteko Esku pilotako entrenatzailea den Aitor Etxebarria eta bestetik, Gernika Jai Alai eskolako entrentzailea eta zestalari profesionala den Unai Lekerikaren eskutik, Jai Alain frontoian, eskuzko eta zesta puntako hainbat ekintza burutu dituzte. Eta nola ez, gure kirolak osatzeko, Arraunean ere ibili dira Gernikako errekan zehar. Patxi Egurrola, Elantxobeko Arraun Elkarteko entrenatzailea, patroi lanetan ibilita.

Sustabiz Fundazioaren izenean, eskerrak eman, Harri Bitxiak elkarteari eta monitore lanetan ibili diren, Aitor Etxebarria, Unai Lekerika eta Inhar Urruzunori.

Uda on bat pasa eta bueltan ikusiko gara berri ere!!